ओली ओरालो लाग्नुका ५ कारणहरु यस्ता छन् जसलाई वास्ता नगरेर देशले नै मौका गुमायो - Khabar Nepali
  • बिहिबार, असार १०, २०७८

ओली ओरालो लाग्नुका ५ कारणहरु यस्ता छन् जसलाई वास्ता नगरेर देशले नै मौका गुमायो

३ बर्ष पहिले ओलीको सत्तारोहण सम्झिउँ त । संसदमा झन्डै दुई तिहाइ त आफ्नै सदस्य । राष्ट्रवादको त्यत्रो वजन । विकाशका सपनाहरुको लोकप्रियता । त्यसमाथि केहि समयमा नै अर्को दलको पनि समर्थन अनि गठबन्धन गरेको दलसँगै पार्टी एकता गरेर नेपाली इतिहासकै सबै भन्दा ठुलो कम्युनिष्ट पार्टीको अध्यक्ष ।

यी सबै कुराहरु हाम्रो जस्तो पार्टीहरु फुटिरहने, नेताहरु विवादित भइरहने र मिश्रित निर्वाचन प्रणाली भएको देशमा दुर्लभहरुमा पनि दुर्लभ घटना हो । ओली ति सबै दुर्लभहरुको सुखद संयोग बनेका थिए तर ३८ महिना बित्दा गठबन्धन हुदै एक बनेको पार्टी फुटिसकेको छ । अहिले ओलीलाई अरु कुनै दलले समर्थन गरेका छैनन् भने आफ्नै पार्टीभित्रका २७ सांसदहरु उनलाई भोट दिन पर्छ भनेर संसद बैठक नजाने र संसदमा पुगेको १ जना भोटै नहाल्ने जस्तो अवस्था छ ।

यी सबै भोगेर आफैले मागेको विश्वासको मत नपाएर ओलीको सरकार ढलेको छ भने एक भन्दा बढि दल मिलेर सरकार बनाउन आवहान भइसकेको छ । दुई तिहाइको सरकार हाकेर, नेपाली इतिहासकै सबै भन्दा ठुलो कम्युनिष्ट पार्टीलाई नेतृत्व गरेर पार्टी भित्र एउटा समूहको मात्रै समर्थन हुने र संसदमा एकतिहाइ मात्रै समर्थन बाँकी रहने गरिको ओलीको यो अबरोह के कस्ता कारणले भए ? ति कारणहरुलाई म बुँदागतरुपमा भन्नेछु । त्यो भन्दा पहिले हिजो संसदमा भएको परिणाम बारेमा थाहा पाउनुहोस् ।

प्रधानमन्त्रीले प्रतिनिधिसभामा विश्वासको मत पुस्ट्याइँका लागि भएको मतदानमा हुन्छ भन्ने पक्षमा ९३ मत मात्रै पाए । प्रधानमन्त्रीको आफूप्रति विश्वास छ भन्ने प्रस्ताव पारित हुन हाल कायम रहेको २७१ सदस्यको बहुमत अर्थात् १३६ मत गर्न आवश्यक हुन्थ्यो । प्रधानमन्त्रीको प्रस्तावको विपक्षमा १२४ मत खसेको छ । सोमबार प्रतिनिधिसभामा भएको मतदानमा २३२ सांसदहरु सहभागी थिए । तीमध्ये १५ सांसदहरु तटस्थ बसेका थिए । एमालेको माधव नेपाल पक्षका सांसद अनुपस्थित रहे । त्यस्तै राप्रपा सांसद राजेन्द्र लिङ्देन पनि अनुपस्थित रहे । प्रधानमन्त्रीले आफूमाथि प्रतिनिधिसभाको विश्वास छ भन्ने स्पष्ट गर्न आवश्यक ठानेकाले सोही प्रयोजनका लागि राष्ट्रपति विद्यादेवी भण्डारीले सोमबारका लागि संसदको विशेष अधिवेशन बोलाएकी हुन् ।

मतदान प्रक्रियामा पीसीआर नेगेटिभ नतिजा भएकालाई मुख्य सभाकक्षमा मतदानको व्यवस्था मिलाइएको थियो भने पोजिटिभ संक्रमितलाई बेग्लै सुरक्षित र सुनिश्चित कक्षमा राखेर मतदान गर्ने प्रबन्ध मिलाइएको थियो । आजको अधिवेशनको प्रारम्भमै सभामुख अग्निप्रसाद सापकोटाले राष्ट्रपतिबाट प्रतिनिधिसभाको अधिवेशन आव्हानसम्बन्धी पत्र पढेर सुनाएका थिए । त्यसलगत्तै सभामुखका प्रस्तावमा बैठक सञ्चालन गर्ने सांसद सम्मिलित अध्यक्ष मण्डल बनाएर सभामुखले १५ मिनेट बैठक स्थगित गरे ।

अर्को चरणको बैठकमा प्रधानमन्त्री ओलीले विश्वासको मत लिने प्रस्ताव प्रस्तुत गरे। प्रस्ताव टेबल गरेसँगै प्रधानमन्त्रीले आफ्नो मन्तव्यसहित प्रस्तावका पक्षमा मतदान गर्न सभामा आग्रह गरे भने त्यसपछि प्रधानमन्त्रीको प्रस्तावमाथि केन्द्रित रही दलीय प्रतिनिधित्वका आधारमा सदस्यले आआफ्ना धारणा राखे । सांसदहरुको धारणा र उठाइएको प्रश्नमा प्रधानमन्त्री ओलीले जवाफ दिएसँगै मतदान अर्थात मत विभाजन सुरु भएको थियो । मत विभाजनका क्रममा हुन्छ, हुन्न र मत दिन्न भन्ने तीन मत जाहेर गर्ने व्यवस्था रहेको थियो । संवैधानिक व्यवस्थाअनुसार २७५ सदस्यीय प्रतिनिधिसभामा हाल २७१ सदस्य कायम छ । दल त्यागसम्बन्धी व्यवस्थाअनुसार नेकपा माओवादी केन्द्रले कारवाही गरेपछि मन्त्री टोपबहादुर रायमाझी, प्रभु साह, लेखराज भट्ट र गौरीशंकर चौधरीको स्थान रिक्त छ ।

सांसद विजयकुमार गच्छदार, मोहम्मद अफताब आलम, रेशम चौधरी र हरिनारायण चौधरी निलम्बनमा छन्, उनीहरुलाई मत जाहेर गर्ने अधिकार छैन । विश्वासको मतको प्रस्तावमा एमालेका १२१, माओवादी केन्द्रका ४८, कांग्रेसका ६१, जनता समाजवादी पार्टीका ३२ तथा राष्ट्रिय जनमोर्चा, नेपाल मजदूर किसान पार्टी, राष्ट्रिय प्रजातन्त्र पार्टी र एक स्वतन्त्र सांसदलाई मताधिकार रहेको थियो ।

सम्बन्धित खवर