५२ वर्षको उमेरमा पनि फिट छिन् यी अभिनेत्री - Khabar Nepali
  • शनिबार, फागुन १५, २०७७

५२ वर्षको उमेरमा पनि फिट छिन् यी अभिनेत्री

सन् १९८९ अर्थात ३२ वर्षअघि प्रदर्शन भएको हिन्दी फिल्म ‘मैंने प्यार किया’ बाट बलिउडमा पदार्पर्ण गर्ने अभिनेत्री भाग्यश्री आज आफ्नो जन्मदिन मनाउँदैछिन् ।

पहिलो फिल्मबाट बेस्ट फिमेल डेब्यूको फिल्मफेयर अवार्ड विजेता यी अभिनेत्री आज फेब्रअरी २३ का दिन आफ्नो ५२ औं जन्मदिन मनाउँदैछिन् ।

यो उमेरमा समेत भाग्यश्रीको सुन्दरता तथा फिटनेस उस्तै छ ।

उनी अहिले पनि ३२ वर्षअघि कै भाग्यश्री देखिन्छिन् ।

भाग्यश्री सामाजिक सञ्जालमा आफ्ना फिटनेस भिडियोहरु शेयर गरिरहिन्छन् ।

तीनमा उनलाई देख्दा उनको उमेर ५२ वर्ष पुगिसकेको छ भन्ने कुरा पत्याउनै गाह्रो पर्छ ।

भाग्यश्रीका वर्कआउट भिडियोहरुमा अलग–अलग प्रकारका वर्कआउटहरु देख्न सकिन्छ ।

कतिपय भिडियोहरुमा उनले ती व्यायामका नाम समेत उल्लेख गरेकी छिन् ।

वर्कआउटबाहेक भाग्यश्री योगा तथा डेडिकेटेड जीममा स्टामिना बिल्डिङ एक्सरसाइज पनि गर्छिन् ।

उनको यो फिटनेस रुटिनमा उनका श्रीमान् हिमालय दस्सानी पनि सहभागि हुन्छन् ।

भाग्यश्रीले केही त्यस्ता भिडियोहरु पनि शेयर गरेकी छिन्, जसमा उनी हिमालय दस्सानीसंगै गाह्रो एक्सरसाइज गरिरहेको देखिन्छ ।
लकडाउनको क्रममा भाग्यश्रीले फिटनेसका थुप्रै भिडियोहरु शेयर गरिन् ।

उनले त्यसक्रममा बिहानीको थालनी नै कोर वर्कआउटबाट गर्ने उल्लेख गरेकी छिन् ।

त्यसमा पेल्भिक, ढाडको तल्लो भाग तथा पेटका मांशपेशिको काम गरिन्छ ।

वर्कआउटसंगै उनले आफ्नो डाइटमा पनि विशेष ध्यान दिने गरेकी छिन् ।

भाग्यश्रीको इन्स्टाग्राम एकाउन्ट भित्र छिर्ने हो भने पनि उनका थुप्रै फिटनेस भिडियोहरु हेर्न सकिन्छ ।

उनले फिटनेसका लागि अभिनेत्रीद्वय शिल्पा शेट्टी र मलाइका अरोडालाई टक्कर दिइरहेकी छिन् ।

मैंने प्यार कियाबाट बलिउडमा डेब्यू गर्ने यी अभिनेत्रीले हिमालय दस्सानीसंग सन् १९९० मै विवाह गरेकी थिइन् ।

विवाहपछि उनी फिल्ममा कमै देखिइन् ।

उनी छोरा अभिमन्यु तथा छोरी अवन्तिका दस्सानीकी आमा हुन् ।

सम्बन्धित खवर