‘निफ्रा’ को शेयर मूल्यमा लगातार सकारात्मक सर्किट, हेर्नुहोस कति पुग्यो शेयर मूल्य ? - Khabar Nepali
  • शनिबार, फागुन १५, २०७७

‘निफ्रा’ को शेयर मूल्यमा लगातार सकारात्मक सर्किट, हेर्नुहोस कति पुग्यो शेयर मूल्य ?

नेपाल इन्फ्रास्ट्रकचर बैंक ‘निफ्रा’ को शेयर मूल्यमा लगातार सकारात्मक सर्किट लागेको छ । मंगलबार नियमित कारोबार सुरु भएको केहि मिनेट मै कम्पनीको शेयर मूल्य १० प्रतिशतले बढेको हो ।

आज बिहार पनि नेपाल इन्फ्रास्ट्रकचर बैंक ‘निफ्रा’को शेयर मूल्यमा लगातार सकारात्मक सर्किट लागेको छ । मूल्य ५४६ पुगेको छ । दोस्रो दिन सर्किट लागेर बैंकको अन्तिम कारोबार ४११ मा भएको थियो । तेस्रो दिनको कारोबारमा प्रि ओपनमा बैंकको मूल्य ४३१ पुगेकोमा नियमित कारोबार सुरु भएको १ मिनेट मै बैंकको शेयर मूल्यमा सर्किट लागेको हो ।

बैंकको आइतबारबाट NIFRA सिम्बलबाट कारोबार सुरु भएको हो । गत बिहिबार बैंकको २० करोड कित्ता शेयर सुचिकृत भएको थियो।

बैंकले माघ २ देखि सर्वसाधारणको लागि आईपिओ निष्काशन गरेको थियो । बैंकले एक सय रुपैयाँ अंकित दरका ८ करोड कित्ता शेयर अर्थात ८ अर्ब बराबरको आईपिओ निष्काशन गरेको हो। जस मध्ये ०.२० प्रतिशत अर्थात १ लाख ६० हजार कित्ता कर्मचारीहरुको लागि र ५ प्रतिशतले हुन आउने ४० लाख कित्ता सामुहिक लगानी कोषको लागि छुट्याईएको थियो । बाँकि रहेको ७ करोड ५८ लाख ४० हजार कित्ताको लागि सर्बसाधारणले आवेदन दिएका थिए । नेपाली पुँजीबजारमा आएको यो नै हालसम्म कै ठुलो आईपिओ हो ।

सम्बन्धित खवर