19.1 C
Kathmandu
Monday, October 3, 2022

अवैध रुपमा रुख काट्नका लागि पथरीशनिश्चरे नगरपालिकाका स्वास्थ्य शाखा प्रमुख कै गाडी प्रयोग भएको खुलासा

कोरोना भाइरसको कारण देश पूर्णरुपमा लकडाउन भएको समयमा मानिस घरघरमा बसेको बेला गत शुक्रबार (बैशाख ५ गते) मोरङको पथरीमा वन ऐन विपरित तीनवटा सालको रुख कटान गरिएकाे थियाे ।

करिव दुई महिनाअघि पथरीकै तमु बौद्ध गुम्बामा भएको चारवटा रुख पनि यसैगरी ढालिएको थियो । गुम्बाको घटना करिव दुई महिनापछि मात्र वन कर्मचारीले थाहा पाएर बैशाख ८ गते मात्र लगत उठाएको छ ।

ऐन, नियम विपरित गर्नु नै अपराध हो । अनुसन्धान अधिकृत तोकेसँगै रुख काट्ने कार्यमा संलग्न व्यक्तिहरुको अनुसन्धान सुरु भएको छ ।

कानुन विपरित रुपमा रुख कटानमा संलग्न केहीको पहिचान भएको अनुसन्धान अधिकृत महोमद अलाउदिनले जानकारी दिए ।

अवैध रुपमा रुख काट्नका लागि पथरीशनिश्चरे नगरपालिकाका स्वास्थ्य शाखा प्रमुख हुन् तथा नगर अस्पतालमा कार्यरत स्वस्थ्य कर्मचारी मुरारी आचार्यको बा१९च ९८१० नम्बरको गाडी प्रयोग भएको खुलेको छ । उनी छैठौ तहको (अहेब) सरकारी कर्मचारी हुन् ।

आचार्यले अवैध रुख काट्नका लागि बा१९च ९८१० नम्बरको गाडीमा मानिस ल्याउने र पुर्‍याउने गरेको खुलेको हो । यद्यपि, आचार्यले भने गाडी प्रयोग भएको कुरा अस्वीकार गर्दै रुख ढाल्न वन कर्मचारीकै मिलेमतो भएको बताएका छन् ।

सार्बजानिक खबर बाट

Latest news
Related news