एउटा परेवा साढे १५ करोड रुपैयाँमा बिक्री - आखिर के थियो त्यस्तो परेवामा ? जान्नुहोस् - Khabar Nepali
  • शनिबार, बैशाख ०४, २०७८

एउटा परेवा साढे १५ करोड रुपैयाँमा बिक्री – आखिर के थियो त्यस्तो परेवामा ? जान्नुहोस्

संसार निकै बिचित्र किसिमको हुदै गएको छ र यहाँ बसोबास गर्ने मानिसहरु त झनै बिचित्र छन् । मानिसहरुले विभिन्न किसिमका कुराहरु खोजि गरि पत्ता लगाएरै छोड्ने गर्दछन । र, कतिपय कुराहरु यो संसारमा यस्ता पनि छन् जुन मानिसहरुले पत्ता लगाउन सकेका छैनन् ।

आज हामी यस्तो एउटा परेवाको बारेमा कुरा गर्न गईरहेका छौ जसको बारेमा थाहापाएर तपाइँ अचम्मित पर्नुहुनेछ ।

हाम्रो गाउँघरमा एक जोडी परेवालाई कति रुपैयाँ पर्ला ? सामान्यतया ५ सयदेखि १ हजार रुपैयाँ । तर, बेल्जियममा एउटै परेवाको मूल्य साढे १५ करोड रुपैयाँभन्दा बढी परेको छ । पक्कै पनि अचम्म पर्नु भयो होला ।

बीबीसीको समाचार अनुसार अर्मान्डो नामक एउटा परेवा १.२५ मिलियन यूरो (नेरु १५ करोड, ५६ लाख ३० हजार ५६२) मा लिलामी भएको छ ।

तर यो परेवा साधारण परेवा भने होइन । यसले उडान प्रतियोगितामा सबैभन्दा उत्कृष्ट परेवाको उपमा पाएको छ । त्यसैले यसलाई ‘परेवाहरुको लुइस हेमिल्टन’ पनि भनिन्छ ।

यसअघि एउटा परेवा १५ करोड ५३ लाख ६० हजार रुपैयाँ लिलामी भएको रेकर्ड थियो । तर, त्यो रेकर्ड अर्मान्डो परेवाले तोडिदियो ।

लिलामी हाउस पीपाका सीईओ निकोलास गाएसेलब्रेख्त भन्छन्-अर्मान्डो परेवा यति धेरै पैसामा बिक्ला भन्ने लागेकै थिएन । उनले भने, ‘हामीहरुले यसको मूल्य यति धेरै होला भन्ने सपनामा पनि सोचेका थिएनौं । हामीलाई आशा थियो कि यो चारदेखि पाँच लाख यूरोमा बिक्ला । एकदमै धेरै भए ६ लाख यूरोसम्म सोचेका थियौं ।’

गाएसेलब्रेख्तका अनुसार चीनका दुई व्यापारीले लिलाम बढाबढमा आफ्नो बोली लगाए । एक घण्टामै ५.३२ लाख यूरोदेखि १.२५ मिलियन यूरोसम्म पुग्यो ।

सबै कुरालाई ध्यानमा राखेर उडान प्रतियोगितामा सहभागी हुने परेवाहरुको मूल्य २५ सय युरो हुन्छ । तर अर्मान्डो अरु परेवाहरु जस्तो सामान्य होइन ।

आफ्नो करियरको अन्तिम तीन दौड यसले जितेको छ । २०१८ को ऐस पिजन च्याम्पिनशिप, २०१९ को पिजन ओलम्पियाड र अंगुलेममा अर्मान्डो पहिलो भएको छ ।

उसले थुप्रै प्रशंसकहरु पाएको छ । बेल्जियमको परवेज शहरको स्थानीय पिजन फेसिङ एसोसिएशनका अध्यक्ष फ्रेड वेंकेलीले भनेका छन्, ‘यो परेवा लुईस हेमिल्टन हो र यो खेल इतिहासको सबैभन्दा उत्कृष्ट छ ।’

अर्मान्डो पाँच वर्षको भयो । हाल यसले अवकासको जीवन बिताइरहेको छ । तर उसको नयाँ मालिकले त्यसबाट प्रजनन गराएर उसको वंश उत्पादन गर्ने सोच रहेको बताएका छन् ।

सम्बन्धित खवर